وش قومك جديد - محمد بن فطيس

وش قومك , ووش فيك , ولا علامك !!
قدلك معي كم يوم !! وعلومك علوم !!

وانا ادري يا مرامي مرامك …
لو تقعد الدنيا ولا تقدر تقوم

عطيتني قلب .. وبخلت بسلامك
وش فايدة حبك .. وانا منك محروم !!

لا عاد تزعل واحييني بـِ أبتسامك …
ضحكك يزيل اوجاع .. وجروح .. وهموم

وكلام عينك .. مايهمش كلامك
كلام عينك كوم .. وحكاك لي كوم .!!

لا غبت عن عيني .. روح انشد غرامك ..
تلقاك .. في قلبي مقلط ومحشووم

بعدين .. يا اغلى الناس .. وفر ملامك
ترى الغلا .. يجفل على كثرة اللوم !!

دونك خفوقي .. ممتلي من سهامك …
ولا شكيتك جرحه .. وقلت النوم

القلب مثل الطير .. وفر حمامك
ان افلس .. اقفى للسماء يقلب الحوم !!

لكن … قبل لا انسى بنبهك
دامك مسلم .. وباقي كم شهر ويدخل الصوم !!

لا يذبح الموضوع قل اهتمامك …
طعني .. وشف لك شيخ يفتي لك اليوم !!

ماظنتي يا زين يقبل صيامك !!
ريقك عسل علمني شلون بتصووم ..؟!!